عجبي
سلامـــــــة
وأنا الدرويش. أنا السابح بمسبحتي ومبخرتي وتوب الخيش أغنّي لك وأموّلك مواويلك ما تسمعينيش ولا تشوفينيش ومش لازم..مادام عايشة مادمت باعيش . . .الابنودي
٢٧/٠٤/٢٠٠٨
الله يرحمك يا جاهين
عجبي
١٠/٠٤/٢٠٠٨
عـــــــــــــــــــــــــــــودة
الان فقط اعلم حقا كم كان بعدي عن التدوين مؤلما
واكثر من تالم هو.. انا
فقط
املك الكثير لاقوله هنا
في مساحتي الصغيره هذه
حتي وان لم يقرأه احد
يكفيني تماما..
انني ارغب في تدوينه
..................................
كل من تألم لبعدي
لكم كل حبي
١٤/١٠/٢٠٠٧
عني
٣٠/٠٨/٢٠٠٧
انا
٢٠/٠٧/٢٠٠٧
.
٠٩/٠٧/٢٠٠٧
تحذير
وهو فعلا مصاص دماء
وحرااااااامي
لانه سرق بوستات من عوليس وزرياب وغادة وجيفارا ونسب البوستات دي لنفسه
فياريت البوست ده ينشر في البلوجات كلها
وهذا هو اللينك
وهذا لينك تلك النسخه المخبأة ولكنني اظن انها لن تستمر طويلا
..........................................
تحديث اخر
بوست اخر
http://masaseldemma2.blogspot.com/2007/07/blog-post.html
مسروق من عوليس
وللاسف الشديد القصيدة ليست موجوده الان
وهذه صورة مخبأة منها
وهذا لينك الصفحة المخبأة
http://66.102.9.104/search?q=cache:rqCaxvHNT-8J:klaket.blogspot.com/2006/03/blog-post_19.html+%D8%A8%D9%8A%D8%A8%D8%A7%D8%B3+%D9%8A%D8%B6%D8%AD%D9%83&hl=ar&ct=clnk&cd=1&gl=eg
٠٢/٠٦/٢٠٠٧
الفاجومي عندنا.. يا مرحبا يا مرحبا
عمنا
الفاجومي
احمد فؤاد نجم
دخل عالم التدوين برجليه
ودي مدونة الفاجومي اللي ناوي يخرب منها الدنيا
٣١/٠٥/٢٠٠٧
ممكن فعلا البلد دي تتغير؟؟
٠٨/٠٥/٢٠٠٧
عاشق
٠٣/٠٥/٢٠٠٧
يارب دايما تبقي معايا
٠٢/٠٥/٢٠٠٧
كل عام وانتي جميله
وكل عام وانت بجوارنا
٢٥/٠٤/٢٠٠٧
شغف.. مبروك
ياريت يا جماعه نبارك لشغف علي مدونتها الجديده
لحل المشاكل من كل الانواع والاصناف
وياريت برضه نبقي زباينها
وثقوا انها هتقدر تحل المشاكل
اعذروني لاني مش عارف اكتب اكتر من كده علشان عايز اروح احجز دوري عندها
مبروك تاني مرة يا شغف
وانصحك تحطي اغنيه قاضي البلاج في المدونه الجديده
وياريت تتوصي بالحبايب
علي فكرة يا جماعة
ده اعلان مدفوع التمن
٠٩/٠٤/٢٠٠٧
أمنية
نجلاء بدير
٢٩/٠٣/٢٠٠٧
ولسه ياما نشوف
٢٨/٠٣/٢٠٠٧
٢٦/٠٣/٢٠٠٧
اه يا بلد
- فعلا اللي بيحصل في البلد دي كارثة
انا هحكيلكوا اللي حصل معايا بالتفصيل النهارده
والنهارده مش زي اي يوم
لان ده يوم الاستفتاء العظيم
اللي هنقول فيه اللي احنا عايزينه بالظبط
عايزين نغير ولا يبقي الوضع علي ما هو عليه
ما علينا
النهارده الصبح جالي واحد من الحزب الوطني خدني من البيت
ولان امين الحزب صديق شخصي للحاج ابويا والمفروض انه معشم فيا اني مكسفوش بعتلي واحد مخصوص ياخدني علشان اصوت علي الاستفتاء المهيب
المهم انا رحت لجنتي ومعايا الاخ المندوب ومعايا برضه ورقه مكتوب فيها بياناتي
الاسم رباعي , اللجنه , رقم القيد الانتخابي
دخلت اللجنه ادور فيها علي اسمي وطبعا مضيت قصاد الاسم وجيت اخد الورقه علشان اروح ورا الستاره اقول اه او لأ
لقيت الاخ اللي في اللجنه بيقولي :مش انت وطني؟ طيب اكتبلك انا الاه؟؟
بصيت لقيت الاخ المندوب بتاع الحزب بيضحكلي
انا خدتني الجلاله وقلت لسياده :يا ريت احس اني جيت لحد هنا بفايده علشان كده انا هكتب الاه بنفسي
عدلت وشي الناحيه التانيه وعلمت علي الدايره السودة , وطبقت الورقة ورميتها في الصندوق
جيت اخرج لقيت الاخ التاني بتاع اللجنه بيقولي :اسمك مكتوب مرتين تعالي امضي تاني
قلتله - والابتسامه بوسع وشي -: انا لو همضي تاني يبقي اخد ورقة تانيه
قالي: مينفعش
قام الاخ اللي جاي معايا من الحزب قاله عيب يا استاذ ده تبعنا
وبكل بساطه الاخ جابلي ورقة تانية علشان اصوت تاني
المهم في الموضوع اني خرجت وانا بره اكتشفت اني المفروض اني احط من الحبر الفسفوري بتاعهم
رجعت -بكل سذاجه- علشان اخد حقي
لقيت الراجل بتاع اللجنة بيقولي: طيب توسخ صباعك لية؟؟ خليك كده يمكن تنفع في لجنه تانيه
قمت انا بكل براءة قلتله : طيب ممكن انفع هنا برضه واخد ورقه تالته؟
قالي: لا .. في اللجنه اللي جنبنا
خدني مندوب الحزب علي اللجنه اللي جنبهم وقال للاخ اللي فيها : يا استاذ حمدي يا ريت تظبط الاستاذ ده
طلعتله كارنيه الحزب قام مديني ورقه علمت عليها ورميتها في الصندوق
لقيته برضه مفيش حبر ولا يحزنون
سألته عنه قام سألني بكل براءة : وانت عايزه ليه يعني؟
قلتله بكل براءه برضه :علشان يعرفوا اني صوتت ويدوني بقيت الفلوس
قالي: وهو في فلوس؟؟!!!!!!!!!!0
قلتله: طبعا
بص للي جنبه وقاله: شوف ولاد ..... مقالولناش ان السنادي فيها فلوس
.......................................
حطوا نفسكوا مكاني وقولوا لي هتعملوا ايه في المهازل دي؟؟؟؟؟؟؟؟؟
****************************************************
اقرأ ايضا
بنت مصرية
١٦/٠٢/٢٠٠٧
تاج
معتقدش انه هيحصل حاجة
..............................
اديت الباسورود لحد قبل كدة؟
معتقدش اني اديت الباسورد بتاع الايميل لحد قبل كده
اسمك؟
سلامـــــــــــــه
............................
اسم الدلع المشهور بيه وسط صحابك؟
مفيش
............................
عمرك؟
برجك؟
اختلف الفقهاء
............................
مجال دراستك؟
كلية العلوم
شخصيتك نوعها ايه؟
مش عارف بالظبط
المود بتاعى؟
تقدر تقول اني مش عصبي
..............................
وقت فراغك بتعمل فيه ايه؟
بعمل كباية شاي تقيل سكر زيادة
...............................
الاكلة المفضلة؟
الشاورمة
الصفات اللى اخدتها من باباك؟
التدخين
..............................
الصفات اللى اخدتها من مامتك؟
الحنية
اكتر ست حاجات بتكرهها؟
احساس عدم الاهتمام من اللي حوالي*
اكتر ست حاجات بحبها؟
٢٦/٠١/٢٠٠٧
١٤/٠١/٢٠٠٧
٠٥/٠١/٢٠٠٧
تراهات ما قبل الامتحانات
٢٥/١٢/٢٠٠٦
٢٢/١٢/٢٠٠٦
يوم التدوينة البيضاء
يوم الاثنين القادم25/12/2006 هو يوم غير عادي في عالم المدونات التونسية؛ حدث هام ؛ لأول مرة في المدونات التونسية سيتم تجنيد الجميع من اجل هدف واحد؛ أمر أصبح يؤرق الجميع؛ ألا و هو الحجب المتواصل و الغير المفهوم لبعض المدونات التونسية؛ ، يعبّر المدوّنون التّونسيّون عن إحتجاجهم على منع عدد من المدوّنات التّونسيّة عن النّشر في تونس في الآونة الأخيرة
كلّ مدوّن يرغب في التّعبير عن مساندته يستطيع المشاركة في يوم التّدوينة البيضاء و ذلك بأن ينشر تدوينة فارغة بلا عنوان و لا شيء غير ذلك لمدّة 24 ساعة
وقد تضامن معهم عدد غير قليل من المدونات العربيه استنادا الي الراي القائل : فلما لا يتحول يوم 25 ديسمبر من كل عام إلى يوم عربي لاحتجاج على الحجب الالكتروني
فانني اضم صوتي الي صوت آدم و احجيوج و جحا
وغيرهم واعلنها صريحه
لا للحجب الالكتروني
راجيا من كل اصدقائي وزواري المدونين الانضمام الي هذه الحمله البيضاء تعبيرا عن قداسه حريه التدوين
٠٧/١٢/٢٠٠٦
مش فاهم
طبعا انا حاولت - كعادتي - اني افهم سر التغير المفاجيء ده
قالي - والابتسامه تغزو كل وجهه المجعد - : انت اتغيرت يا سلامه فلازم انا اغير تعاملي معاك
طبعا انا مش فاهم انا اتغيرت ازاي , بس مبسوط انه غير تعامله
{!!!طبعا غريبه ان الواحد يبدأ البوست بأبوه}
..............................................................
واحد صاحبي غالي عندي جدا لاحظت في الايام اللي فاتت ان حركات النداله بتاعته كترت - أصبحت أكثر مما يمكن تحمله - , لما سألته ايه يا بني اللي حصل , قالي شوف انت ايه اللي اتغير فيك؟
طبعا انا مش فاهم ايه اللي اتغير فيا
...............................................................
حتي البنوته الحلوه اللي في قلبي بتقول : كلهم تغيروا حتي هو - اللي هو أنا - 0
...............................................................
كل اللي حواليا - مع اختلاف ردود افعالهم - اجمعوا اني اتغيرت
المشكله اني لحد دلوقتي مش فاهم ايه اللي اتغير
وهو للاحسن ولا - كالمتوقع - للاسوء
................................................................
نداء لكل اللي يعرفوني
ولكل اللي بيعدوا من هنا - ولو حتي صدفة -0
اي حد منكم يا جماعه يقولي انا اتغيرت ازاي
نفسي افهم
................................................................
هو انا فعلا اتغيرت؟؟؟؟؟
١٩/١٠/٢٠٠٦
لو نهر النيل صلصة..كانت الطماطم رخصت
وطول عمرنا عايشين وشايفينها
بس اي شيء لما بيزيد عن حده بيجيب مغص للبني ادم
خصوصا لو البني ادم ده واحد حساس جدا زيي-حساس يعني عندي حساسيه- وخصوصا لو الكوسه دي دخلت في النطاق الادبي - مش معني كده انها بقيت مؤدبه ولا بقي عندها ادب- 0
الموضوع باختصار شديد اننا في النادي الادبي قررنا نعمل مسابقه/لقاء ادبي
جميل
وقررنا ان كل كليه يمثلها اربع اشخاص كل واحد في مجال (فصحي , عاميه , قصه , قران كريم)0
حلو قوي
وعملنا اللقاء وكله تمام وميت فل واربعتاشر
فين الكوسه بقي؟
اقولكم فين الكوسه
كليه زي الاداب فيها اكتر من عشره شعراء
ومن قبل ما اللقاء يعلن عنه كان المسؤلين مختارين الشخص اللي هيمثل كليه الاداب في اللقاء ده
يعني ريحوا دماغهم وريحوا الناس وبدلا من اجراء مسابقه للاختيار واو تقييم الاعمال هما حددوا الشخص اللي هيمثلهم وده حقهم
المشكله ان اللي هيحكم اللقاءكان دكتور نقد من كليه الاداب اللي عملت المشكله اللي فاتت
برضه مفيش مشكله
المشكله بقي فين؟
اقولكم
لما الدكتور ده - ومن غير ما يقرا الاعمال يختار المراكز الاولي من الكليه بتاعته نقدر نعديهاله
ولما الدكتور ده يختار عمل فاز قبل كده بالمركز الاول مرتين مع انه في اعمال تانيه اقيم منه.. برضه ممكن نعديهاله
ولما الدكتور ده برضه يختار واحد من الكليه بتاعته علشان ياخد المركز الاول عاميه - مع ان الشخص ده مش مشترك في المسابقه اساسا - برضه ممكن نعديهاله
لكن ان الدكتور ده يختار اتنين من كليته في المركز الاول والتاني في شعر الفصحي مع ان المفروض ان واحد بس هو اللي بيمثل الكليه بتاعته مش اتنين
ومع ان العمل التاني في الفصحي كان قصيده لفاروق جويده مش عمل خاص بالطالبه اللي قالته
تفتكروا ممكن نعديها؟؟؟!!!!0
.............................
تفتكروا ان الواحد لما يشوف الكوسه وصلت لحد الشعر ممكن انه يمسك ورقه وقلم ويكتب اي حاجه غير انه يسب ويلعن في اللي وصلنا للحال ده
.............................
انا مش عارف كتبت البوست ده ليه
بس عارف كويس جدا اني عايز اقول وبعلو صوتي
حسبي الله ونعم الوكيل
١٣/٠٩/٢٠٠٦
تاج
٠٣/٠٩/٢٠٠٦
. . . . . . .
١١/٠٨/٢٠٠٦
تلات سلامات يا واحشني
يا واحشني تلات تيام
٠٨/٠٨/٢٠٠٦
وفـــــــــــــــاء
٢٦/٠٧/٢٠٠٦
حنين
١٠/٠٦/٢٠٠٦
احنا مين
ولاننا مش بنياس ولان الناس كلها بتقول كان غيركم اشطر
فاحنا قررنا اننا نثبت للعالم كله اننا نقدر نغيره
فعلشان كده عملنا الجروب ده
علشان نغير العالم
فلو لقيت نفسك عندك استعداد انك تشارك معانا , ولو لقيت نفسك قادر علي التغيير معانا, ولو شايف نفسك ممكن تستحمل وما تياسش
فيلا , مستني ايه
شارك معانا